جن کی الفت سے ہے ایماں کی حلاوت محفوظ
میرے سـیـنے مـیں رہـے ان کـی محبت محفوظ
جن کی رحمت سے ہـے ہستی مری قـائم دائم
فضل سے جن کے سراپا ہوں سلامت محفوظ
جن کے تلووں کے غسالے سے ہیں روشن تارے
جن کےرخ سےہے مہ و مہر کی زینت محفوظ
آپ خـورشــیــد رســـالت ہـیں صـحـابہ انـجـم
آپ کے دم سے ہے اصحاب کی طلعت محفوظ
وہ ابــو بــکـــــر جنـہــیں آپ نـے صــدیق کــیـا
جـن سـے ہـے مـرتبہ حـق و صـداقـت محفوظ
وہ عـمــر آپ نـے فـــاروق جــنـہـیں فـــرمـایـا
جن سے ہے سطوتِ انصاف و عدالت محفوظ
وہ ہیں عــثمان غــنـی جــودِ نــبــی کـے پــرتـو
جن سے ہے شـانِ عطاجودوسخـاوت محفوظ
وہ عـــلــی شــیر خــدا عـکـسِ نبوت جـن سے
ہـے ولایت کا قـیـام اور شـجــاعـــت محفوظ
*انت فیھم* کـے تحـت اہـلِ اجـابـت نہ فـقـط
نیز ہـے اس کے طفیل امـتِ دعـــوت محفوظ
جن کی رفعت *و رفعنا لک ذکـرک* جن سـے
ہـر بلـندی ہـے سـلامـت ہـراک رفـعت محفوظ
عیب پوشی تری کر لیتے ہیں آقا تیرے
ہـے سحر اس لیے اب تک تری عزت محفوظ
از✒️محمد شبیر قادری سحر اورنگ آبادی
0 Comments