عشق ہی طرزِ سخن

✨ *عشق میری گفتگو ہے عشق ہی طرزِ سخن* ✨

⚡️عشق مــیرِ کــاروان و ہـم سـفـر ہـائے مــحــن

⚡️عشق میرا ہم نشیں ہے، عشق ہی میرا چـمـن

⚡️عشق میری روح وجاں ہے،عشق میراتن بـدن 

⚡️عشق میری گـفتگو ہے، عشق ہی طرزِ سـخـن 

⚡️عشق مسلک،عشق مذہب،عشق ہی ایـمانِ من 

⚡️عشق ہی تعلیم میری،عشق میرے عـلم و فـن

⚡️عشقِ حـق روزِ ازل سے موجزن ہےقلب مـیں 

⚡️ ہـوں بـفـضـلِ حـق تـعـالیٰ عـاشـقِ شـاہ زمـن

   

⚡️ عشـق مـیرا ہـم نـوا و ہـم کــلام و ہـم نـفـس 

⚡️عشق ہی میری زباں ہے،عشق ہی مـیرا وطـن 

⚡️یہ زمیں،وہ آسماں،یہ خشک وتر،شمس وقمر

⚡️ عشق کـے ســایہ تـلـے موجود ہے سـارا گـگـن

⚡️عشق ہی روحِ زماں ہے، عشق ہی جانِ جـہاں 

⚡️جز و کل ہرایک شئی پر عشق ہے سایہ فـگــن 

⚡️نبضِ ہستی ہےدھڑکتی عشق کی گرمی سےہی

⚡️عشق کـے دم سے ہی قـائم ہـے خـدائی انجمن 

⚡️کـنتُ کـنزاً  سے یہ واضـح اور ثـابت ہے سحرؔ

⚡️شرح ہے کل کـائنات اور عشق ہے اصل و متن

⚡️ زنـدگــانیِ سـحـرؔ بے لـطـف ہے ان کے بــغــير 

⚡️اے اجـل لـے چـل مـجھے اب روبـروے یارِ من

از🖌محمد شبیر قادری سحرؔاورنگ آبادی