خیال

*خـــــــیــــــــال*

عقل و دانش کو ہوا ہے نکتہ چینی کـا خیال 

عشق کے ماروں کو بھی ہے بےوفائی  کــا خیال 

جسـتجوئے مال دنـیـا میں نہ ہو یوں منہمک 

رزق سے پـہـلے تو کر رزاق و معطی کا خیال 

تیرےدل کے پاس بھٹکے بھی نہ غمہاےجہاں

مرد حـق کــو چاہیے اعـمـال پـیشی کا خیال 

فــکــرِ مذہب ہـوگئی مـعـدوم رہبـر کون ہے؟

ملا کو پگڑی کا پنڈت کو ہے دھوتی کا خیال 

ہے ســتــمــگــر کــو میســر بـےبہا آســائشیں 

اور مظلوموں کے حصے روٹی روٹی کا خیال 

بے کسـوں کــا چــارہ گــر کوئی نہیں آتا نظر

ہـے فلک کـو نـاتوانوں پـر ہی بـجلي کا خیال 

گـردشِ افلاک کا شکوہ کروں کیوں کر سحر

 جب نہ آیا ارضیوں کو ایک ارضی کـا خیال

مـحمـدشـبـیرقـادری (سحرؔاورنگـ آبادی)ـ