بفضلہ تبارک و تعالیٰﷻ و بکرم حبیبہ الاعلیٰﷺ آج ہمارے ایک عظیم دوست مولانا توصیف رضا فیضی صاحب کی حرمیں شریفین کےلیے روانگی ہے. لہٰذا ان کی نذر ایک تازہ کلامِ سحر :
درِ رســـولﷺ کـا نـقـشــہ بـسـا کے لے آنا
نـظـر مـیں گـنبـدِ خضـری سـجـا کے لے آنا
زہے نصیب! پہنچنا جب ان کے روضے پـر
ہمـاری یـاد بھی کـچھ پل بـچــا کے لے آنا
سلام جن سےہےمسنون،انہیں درودوسلام
ہمارا کـہـنـا ، اور گــجــرے دعـــا کے لے آنا
مـری سـنـانا انـہــیں داســتــانِ رنــج و الـم
وہ جتنے ٹکڑے دیں جود و عطـا کے لے آنا
ہمارے دل کـو لـیے جـاؤ حـضـرتِ توصیف
نبی کـے شـہـر مـیں اس کو پھرا کے لے آنا
پھر اس مریضِ محبت کو اے مرے ہمدم!
ذرا حـکـیـمِ زمـاںﷺ سے دکھـــا کے لے آنا
سحـر کے قلب کی حالت بڑی شکـسـتہ ہے
اے فـیضی! اس کـی مرمت کــرا کے لے آنا
محمد شبیر قادری سحر اورنگ آبادی
0 Comments