شریعت

*شـــــــریعــت کـــا نــظــــام*

حکمت و رحمت پہ مبنی ہے شرع کا ہرنظـام

مرد مومن توڑ دے اب قید و بـنـدِ رسمِ خـام

تھے ترے اجــــداد سب اوج ثـــریا پـر مقـیم 

اپنے ہاتھوں تو گنوا بیٹھا سبھی اعلیٰ مقـام

زر،زمین و زن کی لالچ نےتجھے بـےحس کـیا

ہوگئی شمشــــیر تیری کــــند آخــــر درنـیام

جب ہوا و حرصِ نفسانی کے قیدی بـن چکے

تب ہوئی ہے تم پہ جاکر شوکتِ ماضی حرام

وقت ہےاب بھی سنوارو زیست ازحسنِ عمل

بـالیقیں ہوگــا تمـہـارا دوجہاں میں احــترام 

وردِ الا اللّٰہ کــــــرتے سوئے عقبیٰ چـل بــسـے

میرے والــد کے تھے دادا تھا علیم الدین نـام

تھے امین الدین بھی ایسے مرے دادا حضور 

مشغلہ تھاخاص جنکاذکرِ مولیٰ صبح و شام

جان سےبڑھکر جنہیں پاسِ شریعت ہو سحر

ان کی قسمتـ کی بلندی پائیگی بےشک دوام 

مـحمـدشـبـیرقـادری سحرؔاورنگـ آبادی ـ